Oliver til FH

Oliver lék síðast með Tychy í Póllandi en er laus allra mála hjá félaginu. Hann byrjar strax að æfa með FH sem situr í tólfta og neðsta sæti Bestu deildarinnar.

Oliver er uppalinn hjá ÍA en var á mála hjá Norrköping í Svíþjóð á árunum 2019-22. Oliver lék með ÍA tímabilin 2022 og 2024-25 en með Breiðabliki 2023. Hinn 23 ára Oliver lék 21 leik fyrir yngri landslið Íslands á sínum tíma.

FH hefur aðeins unnið einn af fyrstu ellefu leikjum sínum í Bestu deildinni og er með sex stig á botni hennar.

Félagaskiptaglugginn á Íslandi verður opnaður á ný 16. júlí en þá fær Oliver leikheimild. Hann gæti þreytt frumraun sína með FH gegn Breiðabliki í Kaplakrika 20. júlí.