Enski boltinn

Haaland skaut Manchester City á toppinn

Aron Guðmundsson skrifar
Erling Haaland vildi heyra meira eftir að hafa skorað sigurmark Manchester City gegn Arsenal í gær.
Erling Haaland vildi heyra meira eftir að hafa skorað sigurmark Manchester City gegn Arsenal í gær. Getty/Mark Cosgrove

Manchester City kom sér í kvöld í toppsæti ensku úrvalsdeildarinnar í fótbolta með 1-0 sigri gegn Burnley á útivelli. Erling Braut Haaland skoraði eina mark leiksins snemma leiks.

Sigur Manchester City sér til þess að liðið lyftir sér upp fyrir Arsenal í toppsæti ensku úrvalsdeildarinnar. Bæði lið eru nú með 70 stig með sömu markatölu eftir jafnmarga spilaða leiki en City á toppnum þar sem liðið hefur skorað fleiri mörk en Skytturnar.

Arsenal hefur verið á toppi ensku úrvalsdeildarinnar í yfir tvö hundruð daga á yfirstandandi tímabili en nú þarf liðið að reyna gera sætið aftur að sínu þegar að fimm umferðir eru eftir af ensku úrvalsdeildinni.

Ótrúleg dramatík

Hinn leikur kvöldsins í deildinni var dramatískur í meira lagi. Bournemouth virtist vera að sigla heim 2-1 sigri með marki frá Rayan undir lok venjulegs leiktíma. 

En þegar komið var fram á sjöundu mínútu uppbótartíma venjulegs leiktíma jafnaði Sean Longstaff metin fyrir Leeds United og tryggði liðinu 2-2 jafntefli. Betri úrslit fyrir Leeds sem færist fjær fallsætinu en tvö töpuð stig fyrir Bournemouth í baráttunni um Evrópusæti.




Fleiri fréttir

Sjá meira


×