Erlent

Allir lifandi gíslarnir lausir úr prísund sinni

Gunnar Reynir Valþórsson og Kjartan Kjartansson skrifa
Fjöldi fólks er saman kominn á "gíslatorginu" í Tel Aviv og bíður þess að öllum verði sleppt. 
Fjöldi fólks er saman kominn á "gíslatorginu" í Tel Aviv og bíður þess að öllum verði sleppt.  AP Photo/Emilio Morenatti

Þeir tuttugu gíslar sem voru enn lifandi í haldi Hamas-samtakanna var sleppt og þeir afhentir Rauða krossinum í morgun. Þetta staðfestir Ísraelsher. Gert er ráð fyrir að líkum 28 gísla til viðbótar verði skilað síðar í dag.

Gíslarnir höfðu verið í haldi Hamas allt frá árásum samtakanna á Ísrael 7. október 2023. Þeim var sleppt í samræmi við friðaráætlun Donalds Trumps Bandaríkjaforseta. Vopnahlé tók gildi á Gasa á föstudag en Ísraelar ráða enn um helmingi svæðisins.

Ísraelar láta í staðinn tæplega 2.000 palestínska fanga lausa. Mikil fagnaðarlæti brutust út á hinu svokallaða gíslatorgi í Tel Aviv í Ísrael, en þar hafa fjölskyldur gíslanna komið saman til mótmæla síðustu mánuði.

Talið er að um 65 þúsund manns séu saman komnir á torginu. Á risaskjám á torginu hafa einnig verið sýnd myndskeið af gíslunum Matan Zangauker, Nimrod Cohen og David og Ariel Cunio þar sem þeir ræða við fjölskyldur sínar.

Búist er við því að Trump forseti komi í stutta heimsókn til Ísraels nú í morgunsárið en hann er á leið á leiðtogafund í Egyptalandi síðar í dag ásamt fleiri þjóðarleiðtogum, þar sem friður á Gasa verður til umræðu. 

Átök í Ísrael og Palestínu Ísrael Palestína

Tengdar fréttir

Vopnahlé tekur gildi

Ríkisstjórn Ísrael hefur staðfest samkomulag um vopnahlé á Gasaströndinni. Leiðtogar Hamas-samtakanna hafa einnig samþykkt samkomulagið og hefur vopnahlé því tekið gildi.

Von um frið en uggur um efndir

Yfirlýst samkomulag milli Ísraels og Hamas um fyrsta áfanga friðarsamninga hefur vakið vonir um tímamót á Gasa en margt er óljóst og framhaldið háð því að báðir aðilar standi undir væntingum.

Mest lesið


Fleiri fréttir

Sjá meira


×

Mest lesið