Innlent

Ó­sam­mála nefndinni og biðst lausnar

Árni Sæberg skrifar
Gunnar Jakobsson er fráfarandi varaseðlabankastjóri fjármálastöðugleika.
Gunnar Jakobsson er fráfarandi varaseðlabankastjóri fjármálastöðugleika. Vísir/Vilhelm

Katrín Jakobsdóttir forsætisráðherra hefur fallist á beiðni Gunnars Jakobssonar um lausn úr embætti varaseðlabankastjóra fjármálastöðugleika í Seðlabanka Íslands. Gunnar hefur einn viljað lækka stýrivexti á tveimur fundum peningastefnunefndar í röð. Hann hefur þegið starfstilboð erlendis frá.

Í tilkynningu á vef Stjórnarráðssins segir að Gunnar muni láta af embætti í lok júní næstkomandi. 

Forsætisráðherra hafi skipað Gunnar, á grundvelli niðurstöðu lögbundinnar hæfnisnefndar og að fenginni tilnefningu fjármála- og efnahagsráðherra, í embætti varaseðlabankastjóra fjármálastöðugleika til fimm ára frá og með 1. mars 2020.

Staða varaseðlabankastjóra fjármálastöðugleika verði auglýst laus til umsóknar á næstunni.

Eina dúfan meðal haukanna

Athygli hefur vakið að Gunnar hefur viljað lækka stýrivexti Seðlabankans um 0,25 prósentustig á tveimur síðustu fundum peningastefnunefndar.

Allir aðrir nefndarmenn hafa greitt atkvæði með tillögum Ásgeirs Jónssonar Seðlabankastjóra um að halda vöxtum óbreyttum í 9,25 prósent. Þannig hefur hann verið eina svokallaða vaxtadúfan meðal vaxtahaukanna í peningastefnunefnd.

Ekki hefur náðst í Gunnar við vinnslu fréttarinnar en eftir því sem Vísir kemst næst hefur hann þegið starfstilboð erlendis frá.

Fréttin hefur verið uppfærð.

Efnahagsmál Seðlabankinn Stjórnsýsla Vistaskipti
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið