Þrír látnir eftir snjó­flóð í Noregi

Fimm í hópi ítalskra ferðamanna lentu undir í snjóflóði í Lyngen um hádegisbil í dag. Einn lést og annar slasaðist alvarlega. Þrír eru ekki taldir vera alvarlega slasaðir. 

Borgarstjóri Lyngen segir að ekki hafi tekist að senda þyrlu á vettvang vegna veðurs. Þegar birti til barst tilkynning um snjóflóð í Reinøya, skammt frá Lyngen, þar sem tveir létust. Snjóflóðið þar reif upp bóndabæ og nokkrar byggingar urðu undir.

Í Kåfjord féll einnig öflugt snjóflóð en greint er frá því að enginn hafi orðið undir. Hins vegar er talið að flóðið hafi lent á stappfullri hlöðu, sem í voru hundrað dýr. 

Borgarstjóri í Kåfjord segir að enn sé margt óljóst. Koma þurfi mat og birgðum yfir til dýranna og þá er talið að átta íbúar séu innilokaðir vegna flóðsins. Verið sé að meta aðstæður vegna áframhaldandi snjóflóðahættu. VG greinir frá.