Færri bjargað í dag og eyðileggingin algjör Fanndís Birna Logadóttir skrifar 10. febrúar 2023 16:56 Ríflega tuttugu og tvö þúsund manns eru sagðir hafa látist í jarðskjálftanum. Getty/Dialgo Ríflega 22 þúsund eru nú sagðir látnir eftir skjálftana í Tyrklandi og Sýrlandi en einhverjum hefur verið bjargað úr rústum bygginga í dag eftir meira en hundrað klukkustundir. Björgunarstarf er þó að renna út á tíma en aðgerðarstjórnandi íslenska teymisins segir töluvert færri finnast á lífi. Björgunarstarf hefur staðið yfir frá því á mánudag eftir að skjálfti af stærðinni 7,8 reið yfir í Tyrklandi og Sýrlandi. Fleiri hafa nú látist eftir en eftir jarðskjálftann og flóðbylgjuna í Japan árið 2011. Langflestir þeirra sem hafa látist eru í Tyrklandi en björgunarstarf hefur gengið erfiðlega í Sýrlandi vegna borgarastyrjaldarinnar sem þar geisar. Milljónir manna hafa leitað frá Sýrlandi til Tyrklands vegna slæmrar stöðu en Sameinuðu þjóðirnar áætla að um 5,3 milljónir manna gætu verið heimilislausir í Sýrlandi vegna skjálftanna. Björgunarstarf hefur gengið erfiðlega.Getty/Kacmaz Recep Tayyip Erdogan, forseti Tyrklands, segir þetta mestu hamfarir í sögu landsins og hefur lofað því að þau muni ekki hætta björgunaraðgerðum fyrr en enginn er eftir í rústum bygginga. Tíminn er þó óneitanlega að renna út en að því er kemur fram í frétt AP hefur tekist að bjarga fólki í dag sem hefur setið fast í rústum í rúma hundrað klukkutíma. Sautján ára dreng var til að mynda bjargað í tyrknesku borginni Gaziantep en hann lifði á því að drekka eigin þvag. „Guð sé lof að þið komuð,“ sagði drengurinn þegar honum var bjargað og knúsaði síðan fjölskyldu sína. Fjögurra ára barni var þá bjargað í Adiyaman, 105 klukkustundum eftir jarðskjálftann, og síðar móður hans sem hafði einnig setið föst í rústunum. Viðstaddir voru beðnir um að hvorki fagna né klappa til að bregða ekki barninu, sem fékk nammi að launum. Fjöldinn allur af slíkum sögum streyma inn á ýmsa miðla en þó einhverjir sérfræðingar halda því fram að fólk geti enn verið á lífi viku eftir skjálftana eru vonir að dvína að hægt verði að finna fólk lifandi mikið lengur. Eyðileggingin algjör og meira haft fyrir hverri björgun Fjöldi ríkja hefur boðið fram aðstoð en Ísland sendi til að mynda sérfræðingateymi á vegum Landsbjargar og Landhelgisgæslunnar til Tyrklands fyrr í vikunni og eru þau nú stödd í borginni Antakya. Friðfinnur F. Guðmundsson aðgerðastjórnandi segir fasabreytingu hafa orðið á aðgerðum í gær. „Það eru enn þá lífbjarganir í gangi í borginni, þeim hefur þó fækkað töluvert frá því síðustu daga. Þannig að við þurfum að hafa bara meira fyrir hverri björgun fyrir sig og þær eru færri,“ segir Friðfinnur en verið er að nota myndavélar, hljóðnema og leitarhunda í auknum mæli. Verkfræðingar íslenska teymisins héldu í gær inn í borgina til að kanna aðstæður en Erlendur Birgisson verkfræðingur segir eyðilegginguna mikla. „Það var eiginlega alveg ótrúlega mikið skemmt, ég hugsa að um og yfir 90 prósent af öllum byggingum hafi verið skemmdar. Og við sáum það þegar það tók að dimma að það var ekki ljós í einu einasta húsi,“ segir Erlendur og tekur annar verkfræðingur, Kári Steinar Karlsson, undir. „Við keyrðum í gegnum eldra hverfi í bænum og þar voru byggingar sem voru alveg fallnar saman en svo sáum við líka byggingu sem hafði farið til hliðar. Þannig við sáum að gólfflötur byggingar var alveg á rönd,“ segir Kári. „Við höfum séð allar tegundir af mjög slæmum skemmdum hér.“ Hjálpargögn, svo sem tjöld og vistir og vatn, eru nú að streyma á svæðið til að sinna eftirlifendum sem flestir hafast við á götum úti af ótta við að fara inn í skemmd hús. Næturnar eru kaldar og nauðsynlegt að fólk fái skjól og matvæli, að því er segir í tilkynningu frá upplýsingafulltrúa Landsbjargar. Ýmsar neyðarsafnanir hafa farið af stað hér á landi í kjölfar skjálftanna. UNICEF hafa safnað níu milljónum króna, Hjálparstarf kirkjunnar mun leggja til að lágmarki ellefu milljónir króna, og Rauði Krossinn hefur safnað tólf milljónum króna sem þau senda ásamt átján milljóna króna framlagi frá utanríkisráðuneytinu. Jarðskjálfti í Tyrklandi 6. febrúar 2023 Tyrkland Sýrland Björgunarsveitir Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira
Björgunarstarf hefur staðið yfir frá því á mánudag eftir að skjálfti af stærðinni 7,8 reið yfir í Tyrklandi og Sýrlandi. Fleiri hafa nú látist eftir en eftir jarðskjálftann og flóðbylgjuna í Japan árið 2011. Langflestir þeirra sem hafa látist eru í Tyrklandi en björgunarstarf hefur gengið erfiðlega í Sýrlandi vegna borgarastyrjaldarinnar sem þar geisar. Milljónir manna hafa leitað frá Sýrlandi til Tyrklands vegna slæmrar stöðu en Sameinuðu þjóðirnar áætla að um 5,3 milljónir manna gætu verið heimilislausir í Sýrlandi vegna skjálftanna. Björgunarstarf hefur gengið erfiðlega.Getty/Kacmaz Recep Tayyip Erdogan, forseti Tyrklands, segir þetta mestu hamfarir í sögu landsins og hefur lofað því að þau muni ekki hætta björgunaraðgerðum fyrr en enginn er eftir í rústum bygginga. Tíminn er þó óneitanlega að renna út en að því er kemur fram í frétt AP hefur tekist að bjarga fólki í dag sem hefur setið fast í rústum í rúma hundrað klukkutíma. Sautján ára dreng var til að mynda bjargað í tyrknesku borginni Gaziantep en hann lifði á því að drekka eigin þvag. „Guð sé lof að þið komuð,“ sagði drengurinn þegar honum var bjargað og knúsaði síðan fjölskyldu sína. Fjögurra ára barni var þá bjargað í Adiyaman, 105 klukkustundum eftir jarðskjálftann, og síðar móður hans sem hafði einnig setið föst í rústunum. Viðstaddir voru beðnir um að hvorki fagna né klappa til að bregða ekki barninu, sem fékk nammi að launum. Fjöldinn allur af slíkum sögum streyma inn á ýmsa miðla en þó einhverjir sérfræðingar halda því fram að fólk geti enn verið á lífi viku eftir skjálftana eru vonir að dvína að hægt verði að finna fólk lifandi mikið lengur. Eyðileggingin algjör og meira haft fyrir hverri björgun Fjöldi ríkja hefur boðið fram aðstoð en Ísland sendi til að mynda sérfræðingateymi á vegum Landsbjargar og Landhelgisgæslunnar til Tyrklands fyrr í vikunni og eru þau nú stödd í borginni Antakya. Friðfinnur F. Guðmundsson aðgerðastjórnandi segir fasabreytingu hafa orðið á aðgerðum í gær. „Það eru enn þá lífbjarganir í gangi í borginni, þeim hefur þó fækkað töluvert frá því síðustu daga. Þannig að við þurfum að hafa bara meira fyrir hverri björgun fyrir sig og þær eru færri,“ segir Friðfinnur en verið er að nota myndavélar, hljóðnema og leitarhunda í auknum mæli. Verkfræðingar íslenska teymisins héldu í gær inn í borgina til að kanna aðstæður en Erlendur Birgisson verkfræðingur segir eyðilegginguna mikla. „Það var eiginlega alveg ótrúlega mikið skemmt, ég hugsa að um og yfir 90 prósent af öllum byggingum hafi verið skemmdar. Og við sáum það þegar það tók að dimma að það var ekki ljós í einu einasta húsi,“ segir Erlendur og tekur annar verkfræðingur, Kári Steinar Karlsson, undir. „Við keyrðum í gegnum eldra hverfi í bænum og þar voru byggingar sem voru alveg fallnar saman en svo sáum við líka byggingu sem hafði farið til hliðar. Þannig við sáum að gólfflötur byggingar var alveg á rönd,“ segir Kári. „Við höfum séð allar tegundir af mjög slæmum skemmdum hér.“ Hjálpargögn, svo sem tjöld og vistir og vatn, eru nú að streyma á svæðið til að sinna eftirlifendum sem flestir hafast við á götum úti af ótta við að fara inn í skemmd hús. Næturnar eru kaldar og nauðsynlegt að fólk fái skjól og matvæli, að því er segir í tilkynningu frá upplýsingafulltrúa Landsbjargar. Ýmsar neyðarsafnanir hafa farið af stað hér á landi í kjölfar skjálftanna. UNICEF hafa safnað níu milljónum króna, Hjálparstarf kirkjunnar mun leggja til að lágmarki ellefu milljónir króna, og Rauði Krossinn hefur safnað tólf milljónum króna sem þau senda ásamt átján milljóna króna framlagi frá utanríkisráðuneytinu.
Jarðskjálfti í Tyrklandi 6. febrúar 2023 Tyrkland Sýrland Björgunarsveitir Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira