Fyrir fram var búist við sigri West Ham þó svo að liðið hafi ekki verið að spila neitt sérstaklega vel um þessar mundir. Munurinn á liðunum er hins vegar of mikill og segja má að sigur gestanna hafi aldrei verið í hætti.
Jarrod Bowen kom Hömrunum yfir strax á 10. mínútu með skoti af stuttu færi eftir að Tomáš Souček skallaði boltann fyrir markið.
The link-up #EmiratesFACup
— Emirates FA Cup (@EmiratesFACup) January 30, 2023
pic.twitter.com/pH4LwK0eT6
Það reyndist eina mark fyrri hálfleik en Michail Antonio tvöfaldaði forystu West Ham þegar aðeins fimm mínútur voru liðnar af síðari hálfleik. Aftur kom markið eftir afgreiðslu af stuttu færi en Antonio skallaði þá fyrirgjöf Bowen – sem hafði viðkomu í varnarmanni – í netið.
A well-earned goal for @Michailantonio @WestHam #EmiratesFACup pic.twitter.com/VWVcIYYxOL
— Emirates FA Cup (@EmiratesFACup) January 30, 2023
Staðan orðin 2-0 og þar sem fleiri mörk voru ekki skoruð urðu það lokatölur. Við fáum því úrvalsdeildarslag í 5. umferð keppninnar þegar West Ham sækir Man United heim.
Ekki er búið að ákveða hvenær leikurinn verður spilaður en hann verður sýndur beint á Stöð 2 Sport 2 þegar að honum kemur.