Enski boltinn

Newcastle komið hálfa leið í úrslit

Hjörtur Leó Guðjónsson skrifar
Joelinton skoraði eina mark leiksins.
Joelinton skoraði eina mark leiksins. Mike Hewitt/Getty Images

Newcastle vann góðan 1-0 sigur er liðið heimsótti Southampton í fyrri undanúrslitaviðureign liðanna í enska deildarbikarnum í knattspyrnu í kvöld.

Þrátt fyrir nokkuð fjörugan leik létu mörkin standa á sér lengst af og það var ekki fyrr en að rúmur stundarfjórðungur var til leiksloka að fyrsta og eina löglega mark leiksins leit loksins dagsins ljós. Þar var á ferðinni Joelinton eftir stoðsendingu frá Aleksander Isak.

Adam Armstrong hélt reyndar að hann hefði jafnað metin fyrir Southampton á 75. mínútu, en eftir skoðun myndbandsdómara var markið dæmt af þar sem boltinn hafði farið í hönd leikmanns í aðdragandanum.

Vonir Southampton um að jafna metin í leiknum urðu svo nánast að engu þegar Króatinn Duje Caleta-Car nældi sér í sitt annað gula spjald á 86. mínútu, og þar með rautt. Heimamenn þurftu því að leika seinustu mínútur leiksins manni færri.

Ekki náðu gestirnir að nýta sér liðsmuninn og niðurstaðan varð 1-0 útisigur Newcastle sem er nú komið með annan fótinn í úrslit enska deildarbikarsins. Síðari leikur liðann fer fram að viku liðinni á heimavelli Newcastle.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.