Greta Thun­berg hand­tekin við mót­mæli í Þýska­landi

Reuters greinir frá þessu.

Aðgerðarsinnarnir eru saman komnir í þorpinu Luetzerath til þess að mótmæla niðurrifi þorpsins. Samkvæmt BBC stendur til að jafna þorpið við jörðu til þess að stækka kolanámu á svæðinu.

Til átaka hefur komið á milli óeirðalögreglu sem send var á svæðið og mótmælendanna síðustu daga. Greint hefur verið frá því að lögreglan hafi fjarlægt þrjú hundruð mótmælendur af svæðinu. Þá eru lögregluþjónarnir gagnrýndir fyrir að hafa beitt mótmælendur ofbeldi.

Lögregla og skipuleggjendur eru ekki sammála um þann fjölda mótmælanda sem hafa verið á svæðinu. Lögregla segir fimmtán þúsund mótmælendur hafa verið viðstadda en skipuleggjendur 35 þúsund.

Thunberg hefur tekið þátt í mótmælunum síðan á föstudaginn síðastliðin og var handtekin ásamt fleiri mótmælendum, sitjandi við brún námunnar. Thunberg var borin í burtu af svæðinu af þremur lögregluþjónum.

Reuters hefur eftir lögreglunni á svæðinu sem segir Thunberg hafa verið í hópi mótmælenda sem hljóp að brún námunnar og voru borin í burt til þess að gæta öryggis þeirra.

Þá kemur fram að einn mótmælandi hafi stokkið ofan í námuna en ekki kemur fram hvort eða hvernig hann sé slasaður.