Fjórir látnir eftir á­rekstur tveggja þyrla nærri Sea World

Guardian segir frá því að sjúkralið hafi þurft að sinna alls þrettán manns vegna slyssins. Fram kemur að önnur þyrlan hafi hafnað á hvolfi á ströndinni innan um brak.

Lögregla segir að flugmaður hinnar þyrlunnar hafi tekist að lenda nærri skemmtigarðinum Sea World eftir áreksturinn. Slysið varð um klukkan 14 að staðartíma, eða um klukkan fjögur í nótt að íslenskum tíma.

Talsmaður yfirvalda segir að gert sé ráð fyrir að rannsóknarnefnd skili bráðabirgðaniðurstöðum um slysið innan sex til átta vikna. Nefndin hefur biðlað til fólks sem varð vitni af slysinu að hafa samband við nefndina og sömuleiðis að skila inn myndbandsupptökum, séu þær til staðar.