Erlent

Ní­tján ára skotinn til bana í Mall of America

Viktor Örn Ásgeirsson skrifar
Enginn hefur verið handtekinn vegna málsins.
Enginn hefur verið handtekinn vegna málsins. AP/Kormann

Nítján ára karlmaður var skotinn til bana í einni stærstu verslunarmiðstöð heims í gær. Mikil skelfing greip um sig í verslunarmiðstöðinni sem lokað var í klukkustund. Árásarmaðurinn er ófundinn.

Myndbandsupptökur sýna að komið hafi til átaka milli tveggja hópa í verslunarmiðstöðinni, Mall of America. Einn dró upp byssu og skaut mörgum skotum að öðrum manni sem lést af sárum sínum.

Mikill fjöldi fólks var á staðnum enda jólin á næsta leiti. Fólk leitaði skjóls og verslunareigendur lokuðu snarlega búðum þegar skothljóð heyrðust í verslunarmiðstöðinni. Eins og fyrr segir var Mall of America lokað tímabundið á meðan verið var að meta aðstæður.

Lögregla rannsakar málið en enginn hefur verið handtekinn. Árásarmaðurinn er beðinn um að gefa sig fram. Guardian greindi frá.

Bandaríkin Skotárásir í Bandaríkjunum
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið