Fjór­tán sóttu um em­bætti hag­stofu­stjóra

Í tilkynningu frá forsætisráðuneytinu segir að einn umsækjandi hafi dregið umsókn sína til baka, en þriggja manna hæfnisnefnd mun meta hæfni umsækjenda og skila greinargerð til forsætisráðherra sem skipar svo í embættið til fimm ára.

Nýr hagstofustjóri mun taka við af Ólafi Hjálmarssyni sem gegnt hefur embættinu síðustu fjórtán ár. Hann óskaði eftir því í sumar að verða færður til í starfi og tók hann við sem skrifstofustjóri fjármálaráðs um síðustu mánaðamót.

Elsa Björk Knútsdóttir, sem hefur verið falið að sinna starfsskyldum hagstofustjóra til 1. nóvember 2022, er í hópi umsækjenda. 

Nöfn umsækjenda:

• Aríel Jóhann Árnason, viðskiptafræðingur.
• Arndís Vilhjálmsdóttir, fagstjóri.
• Áróra Líf Kjerúlf, móttökuritari.
• Böðvar Þórisson, forstjóri.
• Elsa Björk Knútsdóttir, sviðsstjóri.
• Gísli Már Gíslason, fagstjóri.
• Guðrún Johnsen, lektor.
• Heiðrún Erika Guðmundsdóttir, deildarstjóri.
• Hrafnhildur Arnkelsdóttir, sviðsstjóri.
• Steinþór Kolbeinsson, tölvunarfræðingur.
• Sigurður Erlingsson, stjórnarformaður.
• Sverrir Jensson, veðurfræðingur.
• Þorsteinn Þorsteinsson, deildarstjóri.

Hagstofa Íslands er sjálfstæð stofnun sem heyrir undir forsætisráðherra. Hagstofan er miðstöð opinberrar hagskýrslugerðar í landinu og hefur forystu um tilhögun, samræmingu og framkvæmd hennar og um samskipti við alþjóðastofnanir um hagskýrslu- og tölfræðimál.