Enski boltinn

Jón Daði kom inn af bekknum í öruggum sigri

Hjörtur Leó Guðjónsson skrifar
Jón Daði Böðvarsson og félagar unnu öruggan sigur í dag.
Jón Daði Böðvarsson og félagar unnu öruggan sigur í dag. Getty/Dave Howarth

Selfyssingurinn Jón Daði Böðvarsson lék seinustu tuttugu mínútur leiksins er Bolton vann öruggan 3-0 sigur gegn Wycombe Wanderers í ensku C-deildinni í knattspyrnu í dag.

Kyle Dempsey kom heimamönnum í Bolton yfir með marki strax á 15. mínútu áður en Aaron Morley bætti öðru marki við stuttu fyrir hálfleik.

Dempsey var svo aftur á ferðinni á 66. mínútu þegar hann skoraði annað mark sitt og þriðja mark Bolton og tryggði liðinu þar með 3-0 sigur.

Bolton hefur nú unnið einn leik og gert eitt jafntefli í upphafi tímabils, en Wycombe unnið einn og tapað einum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.