Þetta staðfesti þjálfarinn á blaðamannafundi í æfingaferð liðsins. Fyrr í sumar hafði Arsenal keypt framherjann Gabriel Jesus af Englandsmeisturunum.
„Það var gott að geta kvatt hann almennilega í gær,“ sagði þjálfarinn þegar hann var spurður út í Zinchenko.
„Því miður gátum við ekki gert það með Raheem [Sterling] og Gabriel [Jesus] af því að þá voru menn í sumarfríi. En í gær þegar við vorum að borða kvöldmat saman þá gátum við kvatt hann og svo heldur hann áfram til Arsenal.“
Pep Guardiola announces Oleksandr Zinchenko deal completed: “He’s going to Arsenal”, Man City manager confirms. ⚪️🔴🤝 #AFC
— Fabrizio Romano (@FabrizioRomano) July 20, 2022
Deal signed, second part of medical to be completed and then official statement.@footballdaily 🎥⤵️pic.twitter.com/pYNGVBLrfb
Zinchenko gekk í raðir Manchester City árið 2016, þá aðeins 19 ára gamall. Hann hefur því verið í herbúðum liðsins í sex ár, ef frá er talið tímabilið 2016/2017 þar sem hann var á láni hjá PSV í Hollandi.
Hann hefur leikið 76 deildarleiki fyrir liðið og unnið ensku úrvalsdeildina fjórum sinnum, FA-bikarinn einu sinni og enska deildarbikarinn fjórum sinnum.
Arsenal greiðir allt að 32 milljónir punda fyrir leikmanninn. Félagið greiðir 30 milljónir strax, en tvær milljónir gætu bæst við verðið ef ákveðnum skilyrðum er mætt. Leikmaðurinn skrifar undir samning til ársins 2026.