Enski boltinn

Ekki mikið varið í VAR-ið í enska: Enginn fær að starfa á HM í Katar

Óskar Ófeigur Jónsson skrifar
Enski dómarinn Peter Bankes horfir hér á skjáinn eftir að hafa fengið boð um það frá myndbandsdómurum í leik Chelsea og Wolverhampton Wanderers.
Enski dómarinn Peter Bankes horfir hér á skjáinn eftir að hafa fengið boð um það frá myndbandsdómurum í leik Chelsea og Wolverhampton Wanderers. Getty/Jacques Feeney

Varsjáin eða VAR-ið eins og Bretinn kallar myndbandstuðningskerfi dómaranna í ensku úrvalsdeildinni er oft á milli tannanna á fólki enda eru ensku myndbandsdómararnir oft umdeildir.

Á meðan VAR-ið gengur mjög vel í flestum löndum þá gengur ensku úrvalsdeildinni ekki nógu vel að ná tökum á kerfinu.

Þetta kristallast líka í vali á myndbandsdómurum á heimsmeistaramótið í Katar.

Enska úrvalsdeildin er eina deildin af þeim stóru í Evrópu sem fær ekki að vera með fulltrúa í myndbandsdómgæslunni á HM.

Spánn á flesta myndbandsdómara eða þrjá en tveir koma síðan úr Seríu A á Ítalíu, úr þýsku Bundesligunni og úr Ligue 1 í Frakklandi. Hinir VAR-dómararnir eru síðan frá Hollandi og Póllandi en alls voru ellefu myndbandsdómarar valdir frá Evrópu.

Stuart Attwell var á lista FIFA yfir tilnefnda VAR-dómara en datt út þegar endanlegur hópur var skorinn niður.

Attwell og Chris Kavanagh voru báðir að störfum á EM 2020 en UEFA valdi þá dómara.

Það verða aftur á móti enskir dómarar á mótinu því þeir Michael Oliver og Anthony Taylor eru báðir í hópi þeirra útvöldu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.