Erlent

„Þreytt og þreklaus“ eftir Covid

Samúel Karl Ólason skrifar
Elísabet Bretadrottning.
Elísabet Bretadrottning. AP/Richard Pohle

Elísabet Bretadrottning segist þreytt og þreklaus eftir að hún smitaðist af Covid-19 í febrúar. Drottningin, sem verður 96 ára gömul í þessum mánuði, sýndi væg einkenni og hafði þeim verið líkt við flensu.

Eftir að hún smitaðist hefur hún aftur byrjað að sinna hluta skyldna sinna.

Í myndbandssamtali við heilbrigðisstarfsmenn í gær ræddi drottningin opnun nýrrar gjörgæsludeildar á konunglega sjúkrahúsinu í London. Deild þessi er skírð í höfuðið á drottningunni.

Í samtalinu, sem birt var á Facebook í gær, ræddi Elísabet við Asef Hussain, mann sem hafði smitast af Covid-19 og orðið alvarlega veikur. Reuters segir fjölskyldumeðlimi hans hafa dáið vegna Covid-19.

Drottningin spurði hvort hann væri búinn að jafna sig en hann svaraði á þá leið að hann hefði ekki náð sér að fullu.

„Hann skilur mann eftir, þreyttan og þreklausan, er það ekki? Þessi faraldur,“ sagði drottningin þá.

Bretland Kóngafólk Faraldur kórónuveiru (COVID-19) Elísabet II Bretadrottning
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið