Flugvélin er frá flugfélaginu Lufthansa.EPA-EFE/FRANCK ROBICHON
Flugvél frá flugfélaginu Lufthansa, á leið frá Þýskalandi til Bandaríkjanna, óskaði eftir lendingu á Keflavíkurflugvelli um klukkan 12.30 í dag vegna reyks um borð. Upplýsingafulltrúi Isavia segir að viðbúnaður sé töluverður.
Flugvélin lenti um klukkan hálf eitt í dag án nokkurra vandræða en Guðjón Helgason upplýsingafulltrúi Isavia segir að samkvæmt litakóða sé útkallið merkt rautt. Slökkvilið var því með töluverðan viðbúnað á Keflavíkurflugvelli.
Vélinni var snarlega snúið af leið.Flightradar 24
Flugvélinni hefur verið lent á Keflavíkurflugvelli og Guðjón segir að henni hafi verið lent án nokkurra vandræða.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
