Búið að opna veginn undir Hafnarfjalli eftir alvarlegt bílslys

Samúel Karl Ólason og Kristín Ólafsdóttir skrifa 17. desember 2021 17:15

Langar bílaraðir mynduðust undir Hafnarfjalli. Gestur Andrés

Þyrla Landhelgisgæslu Íslands lenti um klukkan fimm undir Hafnarfjalli eftir að hafa verið kölluð til á hæsta forgangi vegna bílslyss sem hefur verið lýst sem alvarlegu. Tveir eru slasaðir og þar af einn alvarlega.

Sá sem er alvarlega slasaður hefur verið fluttur með þyrlunni á spítalann í Fossvogi.

Uppfært: 19:50 - Vegagerðin hefur opnað veginn aftur.

Hafnarfjall: Búið er að opna veginn. #færðin #lokað
— Vegagerðin | Iceland Roads (@Vegagerdin) December 17, 2021

Vegagerðin tilkynnti á fimmta tímanum að veginum undir Hafnarfjalli hefði verið lokað vegna slyssins og var fólki bent á að fara hjáleið um Geldingadraga.

Ökumaður sem er þarna á ferðinni og hringdi í fréttastofu sagði langar biðraðir bíla hafa myndast við slysstaðinn.

Landhelgisgæslan Sjúkraflutningar Hvalfjarðarsveit

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.