Hrósaði leik­mönnum og sagði liðið hafa unnið fyrir þessu í Búda­pest, Var­sjá og Albaníu

„Við unnum fyrir því að komast á HM á útivöllum í Búdapest, Varsjá og Albaníu. Ég verð að hrósa starfsfólkinu okkar og leikmönnum fyrir virkilega gott ár. Við getum ekki gert neitt í getustigi andstæðinganna en hugarfarið og hvernig allir lögðust á eitt hefur verið magnað að sjá,“ sagði Southgate eftir sigur kvöldsins.

„Ef við hefðum leyft honum að spila hálftíma lengur hefðum við þurft að hringja í fjölskyldu Wayne Rooney. Hann er magnaður markaskorari, við vildum gefa honum tækifæri í kvöld og hann nýtti það vel,“ sagði Southgate um Harry Kane en hann skoraði fjögur af tíu mörkum Englands.

„Mér fannst Emile (Smith Rowe) standa sig vel alla vikuna, hann er með frábæra fyrstu snertingu. Hann verður að halda áfram á sömu braut. Við enduðum leikinn með mjög ungt liði inn á vellinum í kvöld.“

„Það er mikilvægt fyrir hann að eiga góða kvöldstund með enska landsliðinu. Hann sýndi gæði sín með nokkrum stoðsendingum og mun vonandi líða eins og hann eigi mikinn þátt í afreki okkar þegar hann kemur heim,“ sagi Southgate um hægri bakvörðinn Trent Alexander-Arnold.

„Ég hef ekki hugsað svo langt fram í tímann. Við höfum spilað 19 leiki á þessu tímabili og það er margt sem þarf að meðtaka. Þetta er gott tækifæri til að horfa til baka, fara yfir undanfarna mánuði og þá reynslu sem ungu leikmennirnir þurfa fyrir HM,“ sagði Southgate að lokum varðandi líklegan lokahóp sinn á HM í Katar.