Fótbolti

Al­freð skoraði og lagði upp í endur­komu sinni í byrjunar­liðið

Runólfur Trausti Þórhallsson skrifar
Alfreð í leik dagsins.
Alfreð í leik dagsins. Twitter/@FCA_World

Alfreð Finnbogason var í byrjunarliði Augsburg í fyrsta sinn á leiktíðinni er liðið fékk Stuttgart í heimsókn. Skoraði hann og lagði upp í 4-1 stórsigri liðsins. Aðeins var um annan sigur þess að ræða á tímabilinu.

Gestirnir komust yfir snemma leiks en Reece Oxford jafnaði metin fyrir heimamenn eftir hálftíma leik. Jeffrey Gouweleeuw kom Augsburg yfir í þeim síðari áður en Alfreð tók yfir leikinn.

Á 72. mínútu lagði hann upp mark fyrir Florian Niederlechner og níu mínútum síðar skoraði hann sjálfur sitt fyrsta mark á leiktíðinni. Staðan orðin 4-1 og reyndust það lokatölur leiksins.

Með sigrinum fer Augsburg upp í 16. sæti með 9 stig að loknum 10 leikjum.

Fótbolti Þýski boltinn

Mest lesið


Fleiri fréttir

Sjá meira


×

Mest lesið