Stefna að byggingu fjölda almennra íbúða í Kristjaníu

Atli Ísleifsson skrifar 12. október 2021 10:09

Fríríkið Kristjanía var stofnað árið 1971. Getty

Danska ríkisstjórnin ætlar sér að láta reisa allt að 22 þúsund íbúðir fyrir almennan markað á nokkrum stöðum í Kaupmannahöfn, þeirra á meðal Kristjaníu, fram til ársins 2025.

Þetta kemur fram á vef dönsku ríkisstjórnarinnar. „Ríkisstjórnin vill kanna hvort hægt sé byggja almennar íbúðir á nokkrum ákveðnum stöðum í Kaupmannahöfn, svo sem Skjolds Plads á Nørrebro, Bispebjerg og Kristjaníu,“ segir í nýrri skýrslu.

Staðirnir þar sem danska ríkisstjórnin vill láta reisa nýjar íbúðir.danska ríkisstjórnin

Deilur hafa lengi staðið um Kristjaníu eftir að stofnað var fríríki þar á áttunda áratugnum. Fíkniefnaviðskipti hafa verið mikil í hverfinu en á síðustu árum hefur lögregla framfylgt dönskum lögum þar sem og annars staðar í Kaupmannahöfn.

Á vef DR segir að ekki liggi fyrir hvort mögulegt sé að byggja íbúðahúsnæði í Kristjáníu. Vilji standi þó að kanna hvort mögulegt sé og að unnið verði markvisst að því að reisa slíkt húsnæði í umræddu hverfi og víðar.

Þá er heldur ekki tekið fram hverjar hugmyndirnar séu um fjölda nýrra íbúða í Kristjaníu. Unnið sé að málinu í samstarfi við borgarstjórn Kaupmannahafnar.

Danmörk

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.