Erlent

Ís­lendings leitað sem féll af sæþotu í Sví­þjóð á laugar­dag

Atli Ísleifsson skrifar
Sjónarvottur sá til mannsins falla af sæþotu um 200 metra frá landi í Köpingsvik, rétt norður af Borgholm á sænsku eyjarinnar Öland, austur af landinu.
Sjónarvottur sá til mannsins falla af sæþotu um 200 metra frá landi í Köpingsvik, rétt norður af Borgholm á sænsku eyjarinnar Öland, austur af landinu. Getty

Íslendings er leitað sem féll af sæþotu undan strönd sænsku borgarinnar Borgholm á Öland á laugardag.

Enn hefur ekkert spurst til mannsins, en sænskir fjölmiðar segja frá því að sjónarvottur, sem stóð á bryggju, hafi séð manninn falla af sæþotunni um tvö hundruð metra frá landi.

Sveinn H. Guðmarsson, upplýsingafulltrúi utanríkisráðuneytisins, staðfestir að um Íslending sé að ræða og að málið hafi komið inn á borð borgaraþjónustu ráðuneytisins. Þá segir hann starfsmenn ráðuneytisins hafa verið í samskiptum við aðstandendur mannsins.

Ekki í björgunarvesti

Ölandsbladet segir frá því að maðurinn, sem sagður er á fimmtugsaldri , hafi fallið af sæþotunni þar sem hann hafi verið á ferð í Köpingsvik um klukkan 15 á laugardaginn. Sagði sjónarvotturinn að maðurinn hafi verið í blautbúningi, en ekki björgunarvesti.

Notast hefur verið við báta, þyrlur og kafara við leitina, en hún hefur enn engan árangur borið.

Málið er nú á borði lögreglunnar í Borgholm. Sjálfboðaliðar á vegum Missing People Kalmar hafa staðið fyrir leit í dag en án árangurs.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.