Argentíski framherjinn Lautaro Martinez kom heimamönnum yfir strax á sjöttu mínútu eftir sendingu Denzel Dumfries frá hægri. Miðvörðurinn Milan Škriniar tvöfaldaði forystuna eftir hálftíma leik og fjórum mínútum síðar var staðan orðin 3-0 þökk sé marki Nicolò Barella.
Veislan hélt áfram í síðari hálfleik en Matias Vecino skoraði fjórða mark Inter á 54. mínútu og Edin Džeko skoraði svo tvívegis á fimm mínúnta kafla skömmu síðar. Staðan orðin 6-0 og stefndi í að það yrði lokatölur leiksins.
4x3 - Inter have scored at least four goals in their last three Serie A home games, the Nerazzurri's best streak since 1999 (four games). Rampant.#InterBologna
— OptaPaolo (@OptaPaolo) September 18, 2021
Arthur Theate minnkaði hins vegar muninn fyrir gestina þegar lítið var eftir af leiknum og munurinn því fimm mörk er flautað var til leiksloka, lokatölur 6-1.
Inter því komið á toppinn með 10 stig að loknum fjórum leikjum en Roma, AC Milan og Napolí eru öll með 9 stig og eiga leik til góða.
