Erlent

Tveir litlir pönduhúnar komu í heiminn í nótt

Sunna Karen Sigurþórsdóttir skrifar
Mamman virtist einkar ánægð með litlu börnin sín.
Mamman virtist einkar ánægð með litlu börnin sín. AP

Risapandan Huan Huan fæddi tvíbura í Beauval dýragarðinum í París laust eftir klukkan eitt í nótt. Húnarnir vógu 129 og 149 grömm og heilsast báðum vel. Móðirin tók bleiku ungana sína strax í fangið og þreif þá áður en hún leyfði starfsfólki að hlúa að þeim.

Fæðingunni var fagnað ákaft í dýragarðinum enda sjaldgæf sjón því pöndur eiga afar erfitt með getnað. Foreldrarnir eru báðir fengnir að láni frá Kína og verða húnarnir sendir þangað þegar þeir eru orðnir nokkurra ára og nógu stálpaðir í ferðalagið.

Dýr Frakkland

Mest lesið


Fleiri fréttir

Sjá meira


×

Mest lesið