Rannsókn málsins er á frumstigi. Myndin er úr safni.Vísir/Vilhelm
Lögregla handtók konu síðasta laugardag eftir að maður var stunginn með hníf á Hverfisgötu. Hún er grunuð um að hafa stungið hann í lærið.
Ekki var farið fram á gæsluvarðhald yfir konunni og henni sleppt úr haldi. Að sögn Guðmundar Péturs Guðmundssonar lögreglufulltrúa eru bæði konan og maðurinn góðkunningjar lögreglu.
Rannsókn málsins er enn á frumstigi. Maðurinn hefur enn ekki lagt fram kæru gegn konunni.
Guðmundur Pétur segir manninn ekki mikið slasaðan eftir hnífstunguna. Hann hafi hlotið minniháttar áverka og að mun verr hefði getað farið.
Hnífstungan varð á Hverfisgötu við gatnamót Vitastígs rétt fyrir klukkan fimm að degi til síðasta laugardag.
Lögregla var kölluð til í mibænum í dag vegna hnífstungu. Sjónarvottar segja mann hafa verið stunginn á Hverfisgötu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
