Að minnsta kosti fjörutíu og fjórir eru látnir á fjölmennri trúarhátíð í norðausturhluta Ísraels. Tugir eru slasaðir að auki en fólkið tróðst undir í mannmergðinni. Um árlega samkomu er að ræða sem haldin er í hlíðum Meron fjalls.
Tugir þúsunda strangtrúaðra gyðinga komu þar saman og var um langstærsta viðburð í Ísrael að ræða síðan kórónuveirufaraldurinn hófst.
Benjamín Netanjahú lýsir atvikinu sem þungbærum harmleik og segist biðja fyrir fórnarlömbunum.
Slysið var um klukkan tíu í gærkvöldi að íslenskum tíma og svo virðist sem fólk hafi runnið til í tröppum þar sem það var á göngu í fjallshlíðinni, sem hafi orsakað gríðarlegan troðning hjá þeim sem komu á eftir.
Vel hefur gengið í baráttunni við veiruna í Ísrael og því hafði ýmsum samkomutakmörkunum verið aflétt. Læknar höfðu þó varað við því að hátíðin fengi að fara fram.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
