Úrskurðaður í lengra gæsluvarðhald vegna morðsins

Kristín Ólafsdóttir skrifar 10. mars 2021 16:24

Morðið var framið í Rauðagerði 13. febrúar síðastliðinn. Vísir/vilhelm

Einn var í dag í Héraðsdómi Reykjavíkur úrskurðaður í vikulangt áframhaldandi gæsluvarðhald vegna rannsóknar á morði í Rauðagerði í Reykjavík í febrúar.

Þetta kemur fram í tilkynningu frá lögreglu á höfuðborgarsvæðinu. Maðurinn var úrskurðaður í gæsluvarðhald á grundvelli rannsóknarhagsmuna. Varðhaldið rennur út næsta miðvikudag, 17. mars.

Fjórir eru nú í gæsluvarðhaldi vegna málsins. Þá hafa fimm verið úrskurðaðir í farbann. Lögregla segir í tilkynningu að ekki sé hægt að veita frekari upplýsingar um málið að svo stöddu.

Fréttastofa greindi frá því í morgun að Héraðsdómur Reykjavíkur hefði samþykkt kröfu lögreglu um að fella niður skipun Steinbergs Finnbogasonar sem verjanda Íslendings í málinu. Sá sætir farbanni vegna málsins.

Ástæðan fyrir því að lögreglan fer fram á þetta er sú að hún vill að Steinbergur verði kallaður til skýrslutöku. Ekki er hægt að sinna störfum verjanda og vera samtímis með réttarstöðu vitnis.

Morð í Rauðagerði Lögreglumál

Tengdar fréttir

Krafa lögreglu um að fella niður skipun Steinbergs sem verjanda samþykkt

Héraðsdómur Reykjavíkur samþykkti í morgun kröfu lögreglunnar á höfuðborgarsvæðinu um að fella niður skipun Steinbergs Finnbogasonar sem verjanda Íslendingsins í Rauðagerðismálinu svokallaða.

10. mars 2021 11:07

Þrír úrskurðaðir í fjögurra vikna farbann í tengslum við morðið í Rauðagerði

Héraðsdómur Reykjavíkur framlengdi í dag farbann yfir þremur einstaklingum í tengslum við morðið í Rauðagerði. Voru einstaklingarnir þrír úrskurðaði í fjögurra vikna farbann, eða til þriðjudagsins 6. apríl.

9. mars 2021 19:57

„Við erum að rannsaka morðmál hérna“

Margeir Sveinsson, yfirlögregluþjónn hjá miðlægri rannsóknardeild lögreglunnar á höfuðborgarsvæðinu, sem fer fyrir rannsókn Rauðagerðismálsins gefur lítið fyrir ummæli Steinbergs Finnbogasonar í Fréttablaðinu í morgun þess efnis að lögreglan vilji losna við Steinberg sem verjanda.

9. mars 2021 13:41