Enski boltinn

Sagði rifrildi Maguire og Ras­h­ford já­kvæð

Anton Ingi Leifsson skrifar
Rashford og Maguire lenti saman á Selhurst Park í vikunni.
Rashford og Maguire lenti saman á Selhurst Park í vikunni. Sebastian Frej/Getty

Marcus Rashford og Harry Maguire, leikmenn Manchester United, lenti saman í leik Man. United gegn Crystal Palace á dögunum. Dimitar Berbatov, fyrrum framherji United, segir þetta jákvætt.

Rashford og Maguire rifust í leiknum gegn Palace en leiknum lauk með markalausu jafntefli. Þar sem engir áhorfendur voru á leiknum heyrðust rifrildin greinilega en Berbatov segir að þetta sé jákvætt; það sýni að leikmönnunum standi ekki á sama.

„Í leiknum gegn Crystal Palace þá hitnaði í kolunum á milli Marcus Rashford og Harry Maguire en mér líkaði það,“ sagði Berbatov í samtali við Betfair.

„Það er gott í leik að hafa smá eld og ástríðu til þess að berjast. Ákefðin sýnir að þú ert ástríðufullur og þér stendur ekki á sama. Þú vilt ekki vera þögull því það sýnir mér að þér sé sama.“

„Auðvitað þurfa hlutir eins og þessir að verða eftir á vellinum og þrátt fyrir að þú takir þetta með þér inn í búningsklefann, þá er það í lagi svo lengi sem þetta truflar ekki skuldbindingu þína gagnvart liðinu, þá er það í lagi.“

Jafnteflið gerir það að verkum að United er fjórtán stigum á eftir grönnunum í City sem eru á toppnum. Liðin mætast einmitt á sunnudaginn, á Etihad leikvanginum, en flautað verður til leiks klukkan 16.30.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.