Innlent

Sá sem greindist í gær reyndist með mótefni

Kristín Ólafsdóttir skrifar
Smitið var því gamalt og telst því ekki innanlandssmit utan sóttkvíar.
Smitið var því gamalt og telst því ekki innanlandssmit utan sóttkvíar. Vísir/vilhelm

Íslendingur sem greindist með kórónuveiruna innanlands í gær reyndist með mótefni, samkvæmt upplýsingum frá almannavörnum. Því var um gamalt smit að ræða.

Viðkomandi kom til landsins fyrir skömmu, fór í tvöfalda skimun á landamærum með fimm daga sóttkví á milli líkt og reglur gera ráð fyrir. Hann greindist svo neikvæður í báðum sýnatökum.

Þegar hann ætlaði síðan að fara úr landi og fór í skimun til að fá PCR-vottorð greindist hann með veiruna. Hann var í kjölfarið sendur í mótefnamælingu en niðurstöðu úr henni var beðið í morgun. Fyrst um sinn var smitið því flokkað sem innanlandssmit utan sóttkvíar.

Þórólfur Guðnason, sóttvarnalæknir, sagði í samtali við fréttastofu að fróðlegt yrði að sjá hvort að viðkomandi væri með mótefni og hefði þá sloppið í gegnum landamærin með neikvætt sýni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×