Enginn greindist innanlands og einn á landamærunum

Vésteinn Örn Pétursson skrifar 28. febrúar 2021 10:28

Sýnataka vegna Covid 19 hjá Heilsugæslunni á Höfuðborgarsvæðinu

Enginn greindist með kórónuveiruna innanlands í gær, en einn greindist á landamærunum.

Þetta staðfestir Hjördís Guðmundsdóttir, samskiptastjóri Almannavarna, í samtali við Vísi og vísaði til bráðabirgðatalna almannavarna.

Einn greindist með kórónuveiruna innanlands í fyrradag og var viðkomandi í sóttkví. Leita þarf aftur til fyrsta dags febrúarmánaðar til þess að finna einstakling sem greindist með veiruna utan sóttkvíar.

Mótefnamæling hjá þeim sem greindist á landamærunum liggur ekki fyrir að svo stöddu.

Covid.is, upplýsingasíða almannavarna og landlæknis um framgang kórónuveirufaraldursins hér á landi, er ekki uppfærð um helgar. Nánari upplýsingar um fjölda sýna, nýgengi og aðrar ítarlegar upplýsingar verða því aðgengilegar á vefnum klukkan ellefu á mánudaginn.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.