Enski boltinn

„Þetta er bara væll af bestu sort“

Ingvi Þór Sæmundsson skrifar
Jürgen Klopp fór mikinn eftir tap Liverpool fyrir Southampton.
Jürgen Klopp fór mikinn eftir tap Liverpool fyrir Southampton. getty/Naomi Baker

Strákarnir í Sportinu í dag gefa ekki mikið fyrir umkvartanir Jürgens Klopp og stuðningsmanna Liverpool um að dómgæslan í ensku úrvalsdeildinni sé liðinu óhagstæð.

Klopp var verulega ósáttur með dómgæsluna í leik Liverpool og Southampton á mánudaginn og sagði að Englandsmeistararnir hefðu verið sviknir um tvær vítaspyrnur. 

Þá benti Klopp á að Manchester United hafi fengið fleiri víti á undanförnum tveimur árum en Liverpool hafi fengið síðan hann tók við liðinu fyrir fimm og hálfu ári síðan.

Kjartan Atli Kjartansson er ekki hrifinn af umræðunni sem hefur fylgt þessum ummælum Klopps.

„Haldiði virkilega að það sé vilji dómarastéttarinnar að eitt lið fái betri meðferð en eitthvað annað? Halda menn virkilega að allir séu á móti Liverpool?“ sagði Kjartan Atli í Sportinu í dag.

„Svo við tölum hreina íslensku er þetta bara væll af bestu sort. Svona væll gerir ekkert annað en að fá stuðningsmenn annarra liða til að hlæja,“ sagði Henry Birgir Gunnarsson um dómaraumræðuna.

„Þetta kallast titringur og þegar þú ert farinn að væla í fjölmiðlum yfir fjölda vítaspyrna og annað, þetta er bara íslenskur væll. Það er titringur hjá Klopp.“





Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.