Ráðherra lifið af morðtilraun

Olíumálaráðherra Íraks slapp naumlega undan morðtilraun á mánudag en þrír lífvarða hans fórust í tilræðinu. Gærdagurinn var þriðji dagur árása Bandaríkjamanna á skæruliða al-Kaída í vesturhluta Íraks. Að minnsta kosti 36 skæruliðar höfðu fallið í árásunum. Enginn þeirra er bandarískur, að sögn talsmanns bandarískra yfirvalda. Hin sömu yfirvöld segja einnig að ekkert sé hæft í yfirlýsingum al-Kaída um að tveir Bandaríkjamenn séu í haldi og að þeir muni verða líflátnir nema öllum kvenföngum úr röðum súnnímúslima verði sleppt úr fangelsum í Írak. Eitt þúsund Bandaríkjahermenn taka þátt í þessu áhlaupi, sem hófst á laugardag. Bandaríkjaher kallar það „Járnhnefann“. CNN-sjónvarpsstöðin sýndi í gær myndir af óbreyttum borgurum, þar á meðal börnum, sem særst hafa í átökunum.