Brendan Rodgers að sækja Toure til Liverpool

Varnarmaðurinn Kolo Toure er líklega á leiðinni í læknisskoðun hjá skoska liðinu Celtic og mun ganga til liðs við félagið. Hann mun líklega skrifa undir stuttan samning við Celtic en hann kemur til félagsins frítt frá Liverpool.

Ef Toure gengur til liðs við Celtic hittir hann fyrir gamlan stjóra sinn, Brendan Rodgers sem var áður knattspyrnustjóri Liverpool.

Þessi 35 ára miðvörður á að baki 118 landsleiki fyrir Fílabeinsströndina og einnig leikið með Arsenal, Manchester City og Liverpool.