Chelsea kom til baka og lagði Leeds

Arnar Geir Halldórsson skrifar
Tveir öflugir
Tveir öflugir vísir/Getty

Chelsea kom til baka og lagði nýliða Leeds að velli á Stamford Bridge í kvöld og fer inn í nóttina á toppi deildarinnar.

Patrick Bamford, fyrrum leikmaður Chelsea, kom Leeds yfir snemma leiks eftir frábæra sendingu Kalvin Phillips.

Nýliðinum hélst forystan þar til á 27.mínútu þegar Olivier Giroud jafnaði metin fyrir Chelsea og var jafnt í leikhléi.

Annar Frakki, varnarmaðurinn sterki Kurt Zouma, kom Chelsea í forystu eftir klukkutíma leik þegar hann stangaði hornspyrnu Mason Mount í netið. Christian Pulisic gulltryggði svo sigur heimamanna með marki í uppbótartíma.

Chelsea með eins stigs forystu á toppi deildarinnar en bæði Liverpool og Tottenham geta farið upp fyrir Chelsea með því að vinna sína leiki á morgun.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.