Erlent

Japanar mómtæla rússneskum eldflaugum á Kurileyjum

Samúel Karl Ólason skrifar
Yoshihide Suga, forsætisráðherra Japans. Eitt hans fyrsta verk þegar hann tók við embætti í september, var að ræða við Vladimír Pútín, forseta Rússlands, um deilur ríkjanna um Kirileyjar.
Yoshihide Suga, forsætisráðherra Japans. Eitt hans fyrsta verk þegar hann tók við embætti í september, var að ræða við Vladimír Pútín, forseta Rússlands, um deilur ríkjanna um Kirileyjar. AP/David Mareuil

Forsvarsmenn herafla Rússlands tilkynntu í gær að búið væri að koma fyrir nýjum eldflaugum á eyjum sem Rússar stjórna í Kyrrahafinu. Japanar gera einnig tilkall til eyjanna og hafa mótmælt því að loftvarnakerfi af gerðinni S-300V4 hafi verið komið fyrir á eyjunum.

Kerfið er hannað til að skjóta niður flugvélar og jafnvel langdrægar eldflaugar í allt að 400 kílómetra fjarlægð.

Eyjurnar sem um ræðir eru fjórar og eru þær á milli Hokkaido og Kamtjakaskaga. Rússar hernumu þær á síðustu dögum seinni heimsstyrjaldarinnar. Deilur Japans og Rússlands um yfirráð yfir eyjunum hafa síðan þá komið í veg fyrir að ríkin hafi skrifað undir formlegan friðarsáttmála.

Umfangsmiklar og langvarandi viðræður í gegnum árin hafa engum lausnum skilað.

Rússar kalla eyjurnar Kurileyjar og Japanar kalla þær Norðursvæðin. Loftvarnakerfinu hefur verið komið fyrir á eyjunni Iturup, sem er mjög nærri Hokkaido.

Samkvæmt frétt Reuters hefur ríkisstjórn Japans lagt fram formlega kvörtun vegna eldflauganna. Miðað við drægi þeirra gætu þær verið notaðar til að skjóta niður flugvélar yfir Hokkaido.

Áður hafa Rússar þó komið fyrir orrustuþotum og eldflaugum sem eru sérhannaðar til að granda skipum á eyjunum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.