Stærsti latex­hanska­fram­leiðandi heims lokar verk­smiðjum vegna Co­vid-19

Stærsti framleiðandi latexhanska í heiminum hefur neyðst til að loka helmingi verksmiðja sinna eftir að rúmur helmingur starfsliðsins greindist með Covid-19.

Fyrirtækið, sem staðsett er í Malasíu og heitir Top Glove, ætlar að loka 28 verksmiðjum en um 2.500 starfsmenn verksmiðjanna eru nú smitaðir. Starfsmenn verksmiðjanna telja alls um 5.800.

Aldrei hefur verið eins mikið að gera hjá fyrirtækinu eins og síðustu mánuði enda eru slíkir hanskar stór hluti af sóttvörnum í kórónufaraldrinum, jafnt hjá almenningi sem og hjá heilbrigðisstarfsfólki.

Verkalýðssamtök hafa þó gert athugasemdir við starfsaðstöðuna hjá fólkinu sem vinnur myrkranna á milli við framleiðsluna og nú er komið í ljós að smit er útbreitt hjá fyrirtækinu.

Starfsfólkið kemur flest frá Nepal og er búsett ávinnusvæðunum í Malasíu við þröngan kost.

Bréf í Top Glove féllu um 7,5 prósent í morgun eftir að greint var frá fyrirhuguðum lokunum.