Aldrei fleiri verið í einangrun vegna Covid-19 hér á landi

Aldrei hafa verið fleiri verið í einangrun hér á landi með virkt kórónuveirusmit en nú samkvæmt tölfræðinni sem birt er á covid.is.

Samkvæmt uppfærðum tölum eru nú 1.132 í einangrun vegna Covid-19. Þegar mest lét í fyrstu bylgju faraldursins voru 1.096 með virkt smit en það var þann 5. apríl.

24 sjúklingar liggja nú inni á Landspítalanum vegna Covid-19. Þar af eru þrír á gjörgæsludeild og einn af þeim er í öndunarvél.

Þetta segir Már Kristjánsson, yfirlæknir deildarinnar, í samtali við Vísi. Tveir sjúklingar hafi verið útskrifaðir í gær en fjórir lagðir inn.

88 greindust með kórónuveiruna innanlands síðastliðinn sólarhring samkvæmt uppfærðum tölum á covid.is. 3.400 manns eru í sóttkví.