Enski boltinn

Rúnar Alex segir að kaupin á Partey sýni metnað Arsenal

Ingvi Þór Sæmundsson skrifar
Rúnar Alex Rúnarsson á æfingu með Arsenal.
Rúnar Alex Rúnarsson á æfingu með Arsenal. getty/Stuart MacFarlane

Rúnar Alex Rúnarsson er afar spenntur fyrir nýjasta leikmanni Arsenal, ganverska miðjumanninum Thomas Partey.

Arsenal keypti Partey frá Atlético Madrid á lokadegi félagaskiptagluggans fyrir 45 milljónir punda.

Rúnar Alex, sem Arsenal fékk frá Dijon í sumar, segir að kaupin á Partey séu til marks um metnaðinn hjá Arsenal.

„Ég var svo spenntur því þetta sýnir öllum hver markmið félagsins eru: að við viljum berjast aftur um Englandsmeistaratitilinn og Meistaradeildina,“ sagði Rúnar Alex.

„Við viljum taka þátt í öllum stærstu keppnunum, og ekki bara taka þátt heldur vinna. Að kaupa Thomas sýnir hvað við ætlum okkur.“

Rúnar Alex á enn eftir að leika sinn fyrsta leik fyrir Arsenal en hann hefur setið á varamannabekknum í síðustu leikjum liðsins.

Partey gæti þreytt frumraun sína með Arsenal þegar liðið sækir Manchester City heim í ensku úrvalsdeildinni á laugardaginn.

Enski boltinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


Mest lesið


Velkomin á Vísi. Þessi vefur notar vafrakökur. Sjá nánar.