Villa sagðir vilja kaupa keppinaut Ragnars á einn og hálfan milljarð

Anton Ingi Leifsson skrifar 27. september 2020 14:31

Victor Nelsson ásamt liðsfélögum sínum Carlos Zeca og Kamil Wilczek. vísir/getty

Ekstra Bladet í Danmörku segir frá því í dag að Aston Villa vilji kaupa varnarmann danska stórliðsins, FCK, Victor Nelsson.

Nelsson er einungis 21 árs og var keyptur til FCK sumarið 2019 frá FC Nordsjælland þar sem margir ungir og efnilegir knattspyrnumenn hafa komið.

Samkvæmt heimildum Ekstra Bladet er kaupverðið um 75 milljónir danskra króna, tíu milljónir evra eða rúmlega einn og hálfur milljarður íslenskra króna.

Behold eller tag pengene? Flere mindre Premier League-klubber har Victor Nelsson på blokken, og lige nu har Aston Villa lagt sig i front med et bud, der nærmer sig 10 mio. euro. #fcklive (@klausegelund)https://t.co/Ykt0UbY6E3
— Gisle Thorsen (@GisleThorsen) September 27, 2020

Johan Lange tók við sem yfirmaður knattspyrnumála hjá Aston Villa í sumar en áður starfaði hann hjá danska félaginu.

Áhuginn á þó að hafa verið til staðar hjá Villa áður en Lange mætti til starfa en hann hefur gert vel á leikmannamarkaðnum hjá Villa í sumar.

Nelsson er í baráttu við Ragnar Sigurðsson um sæti í miðri vörn FCK en hann er með samning hjá félaginu til ársins 2024.

Danski boltinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.