Cloé ekki enn komin með leikheimild
Cloé Lacasse er ekki enn komin með leikheimild frá FIFA og var því ekki valin í íslenska landsliðshópinn sem fer á Pinatar-mótið í næsta mánuði.
Cloé fékk íslenskan ríkisborgararétt í fyrra en erfiðlega gengur að fá leikheimild frá FIFA svo hún geti byrjað að leika með íslenska landsliðinu.
Framherjinn öflugi hefur skorað grimmt fyrir Benfica í vetur og er markahæst í portúgölsku úrvalsdeildinni með 20 mörk.
Natasha Anasi, vinkona Cloé, var valin í landsliðshópinn. Hún fékk ríkisborgararétt á eftir Cloé á síðasta ári. Hún er annar tveggja nýliða í hópnum. Hinn er Fylkiskonan Berglind Rós Ágústsdóttir.
Íslenska hópinn sem fer á Pinatar-mótið má sjá með því að smella hér.
Tengdar fréttir
Svona var blaðamannafundur Jóns Þórs Haukssonar fyrir Pinatar-mótið
Vísir fylgdist með blaðamannafundi KSÍ þar sem hópur íslenska kvennalandsliðsins í fótbolta fyrir Pinatar-mótið verður kynntur.
Cloé Lacasse ekki valin í landsliðið en Natasha Anasi er í hópnum
Það verður einhver bið á því að Cloé Lacasse verði valin í íslenska kvennalandsliðið í hópnum en hún er ekki einn af nýliðum í hópnum fyrir Pinatar æfingamótið.
