Ashraf Ghani áfram forseti
Ashraf Ghani bar sigur úr býtum í forsetakosningunum í Afganistan og verður því áfram forseti landsins.
Frá þessu greindi kjörstjórn landsins í dag. Hinn sjötugi Ghani tók við embætti forseta Afganistans í september 2014, en þetta verður hans annað kjörtímabil.
Kjörstjórn greindi frá því í dag að Ghani hafi hlotið 50,64 prósent atkvæða í kosningunum sem fram fóru í september síðastliðinn. Helsti andstæðingur Ghani, Abdullah Abdullah, forsætisráðherra þjóðstjórnar landsins, hlaut hins vegar 39,52 prósent.
Mikið hefur verið deilt um framkvæmd kosninganna þar sem ásakanir hafa gengið á víxl varðandi talningu atkvæða og tæknilega örðuleika við framkvæmdina.
Tengdar fréttir
Ghani virðist hafa unnið nauman sigur í Afganistan
Endanleg úrslit úr forsetakosningunum í september liggja þó enn ekki fyrir.
Ghani og Abdullah lýsa báðir yfir sigri
Höfuðandstæðingarnir í afgönsku forsetakosningunum hafa báðir lýst yfir sigri í forsetakosningunum sem fram fóru í landinu á laugardag.
