Stærðarinnar jarðskjálfti mældist suður af Kúpu og norðvestur af Jamaíka í kvöld. Jarðvísindastofnun Bandaríkjanna segir skjálftann hafa verið 7,7 stig. Upptök skjálftans voru þó í um 140 kílómetra fjarlægð frá báðum eyjunum og á um tíu kílómetra dýpi.

Engar fregnir hafa borist af skemmdum eða slysum á fólki.

Í samtali við AP fréttaveituna segir Belkis Guerrero, sem vinnur í menningarmiðstöð í borginni Santiago að hann hafi fundist vel þar.

„Við sátum öll og fundum stólana hreyfast. Við heyrðum hljóðið frá öllu sem var á hreyfingu,“ segir Geurrero. „Hann virtist mjög sterkur en það lítur ekki út fyrir að eitthvað hafi gerst,“ bætti hann svo við um mögulegar skemmdir.

Íbúar á Cayman eyjum segja skjálftann hafa valdið einhverjum skemmdum þar. Sprungur hafi myndast í götum og holræsaleiðslur hafi sprungið.

Skjálftinn fannst einnig vel í Flórída og hafa byggirnar þar verið rýmdar.

Veðurstofa Bandaríkjanna hefur gefið út flóðbylgjuviðvörun vegna skjálftans. Slíkar viðvaranir hafa verið gefnar út fyrir Kúbu og Jamaíka.