Erlent

Kölluðu Trump „vælu­kjóa“

Atli Ísleifsson skrifar
Joe Biden og Kamala Harris á fundi í gær.
Joe Biden og Kamala Harris á fundi í gær. AP

Joe Biden forsetaframbjóðandi Demókrata fyrir komandi kosningar í Bandaríkjunum kom fram á blaðamannafundi í nótt með Kamölu Harris, varaforsetaefni sínu í fyrsta sinn síðan hann tilkynnti um valið á Harris.

Í ræðum síðum gagnrýndu þau Donald Trump Bandaríkjaforseta harðlega og kölluðu hann meðal annars vælukjóa.

Biden sagði að Bandaríkjamenn stæðu frammi fyrir vali sem muni hafa áhrif á þjóðina í langan tíma. Hann átaldi Trump fyrir léleg tök á kórónuveirufaraldrinum, fyrir afstöðu hans í loftslagsmálum og fyrir það sem Biden kallar rasíska umræðu sem kyndi undir klofningi hjá þjóðinni.

Kamala Harris fór síðan í pontu og sagðist reiðubúin til aðvinna fyrir þjóð sína og sagði að þjóðin kalli nú á sterkan leiðtoga, en sitji uppi með forseta sem hafi meiri áhuga á sjálfum sér heldur en fólkinu sem kaus hann til forystu.

Fundurinn fór fram í Delaware, heimaríki Biden, og var hann ekki opinn almenningi.

Forsetakosningar í Bandaríkjunum Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið