Erlent

Pútín: Gefa grænt ljós á bólu­efni og hefja fjölda­fram­leiðslu

Atli Ísleifsson skrifar
Vladimír Pútín Rússlandsforseti.
Vladimír Pútín Rússlandsforseti. AP

Vladimír Pútín Rússlandsforseti segir að heilbrigðisyfirvöld í landinu hafi lagt blessun sína yfir bóluefni sem þróað var í Rússlandi, og nú standi til að hefja fjöldaframleiðslu á efninu.

Forsetinn greindi frá þessu í morgun. Sömuleiðis segir hann að önnur dóttir sín hafi verið í hópi þeirra sem fyrst hafi verið bólusett gegn veirunni. Henni liði vel.

AP segir frá því að Pútín hafi greint frá þessu á ríkisstjórnarfundi í morgun. Sagði hann ítarlegar rannsóknir á efninu hafa verið framkvæmdar.

Rússnesk yfirvöld segja að heilbrigðisstarfsmenn, kennarar og fólk í áhættuhópi verði fyrst til að verða bólusettir.

Rússland er fyrsta landið til að skrá bóluefni gegn kórónuveirunni, en í frétt AP segir að margir vísindamenn, bæði í Rússlandi og annars staðar, hafi verið með efasemdir þar sem yfirleitt þurfi umfangsmeiri prófanir sem ná til fleiri og yfir lengri tíma, áður en bóluefni er skráð.

Faraldur kórónuveiru (COVID-19) Rússland

Tengdar fréttir

Hafa áhyggjur af bóluefni Rússa

Til stendur að hefja umfangsmiklar bólusetningar gegn Covid-19 í Rússlandi í október með bóluefni sem hefur ekki enn verið farið í gegnum tilraunir sem tryggja eiga öryggi þess og virkni.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið