Enski boltinn

Geta mögu­lega ekki spilað heima­leikina sína á King Power vegna kórónu­veirunnar

Anton Ingi Leifsson skrifar
Úr leik Leicester á dögunum á King Power leikvanginum.
Úr leik Leicester á dögunum á King Power leikvanginum.

Það gæti farið svo að Leicester þurfi að spila heimaleik sinn gegn Crystal Palace á laugardaginn á hlutlausum velli eða að leiknum verði frestað.

Richard Masters, framkvæmdastjóri deildarinnar, var aðspurður út í stöðuna á máli Leicester í morgun en kórónuveiran hefur náð sér á flug, á nýjan leik, í borginni.

„Við erum að bíða eftir að heyra eitthvað. Auðvitað erum við að skoða aðra kosti,“ sagði Masters er hann kom fyrir íþróttanefnd ríkisstjórnarinnar í morgun.

Leicester á að mæta Crystal Palace á laugardaginn en í nótt var tilkynnt að útgöngubann væri aftur komið á í borginni.

Flestir skólar hafa lokað á ný og búðir sem ekki selja nauðsynjarvörur verði einnig lokað.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.