Innlent

Allt að 20 stiga hiti í dag

Kristín Ólafsdóttir skrifar
Frá Egilsstöðum. Hlýjast verður norðaustan- og austanlands í dag.
Frá Egilsstöðum. Hlýjast verður norðaustan- og austanlands í dag. Vísir/Vilhelm

Hæg austlæg eða breytileg átt verður á landinu í dag og bjartviðri víðast hvar. Áfram er hlýtt á landinu en hiti í dag verður á bilinu 12 til 20 stig, hlýjast norðaustan- og austanlands. Seint í kvöld er svo von á skilum upp að suðurströndinni og þá gengur í suðaustanstrekking og fer að rigna.

Um helgina er útlit fyrir hlýjar suðaustanáttir með lítilsháttar vætu suðaustanlands en annars að mestu þurrt.

Í næstu viku verða austan- og suðaustanáttir ráðandi á landinu með vætu í öllum landshlutum, þó einkum sunnantil. Áfram verður þó fremur heitt á landinu og hámarkshiti oft í kringum 16 til 20 stig, að því er segir í hugleiðingum veðurfræðings.

Veðurhorfur á landinu næstu daga:

Á laugardag (sumarsólstöður):

Suðaustan 8-13 m/s og rigning með köflum, en úrkomulítið norðaustantil. Hiti 12 til 21 stig, hlýjast norðanlands.

Á sunnudag:

Austan 10-15 m/s, skýjað með köflum og dálítil væta með suður- og austurströndinni. Hiti 10 til 20 stig, hlýjast norðan- og vestantil.

Á mánudag og þriðjudag:

Suðaustan 8-15 m/s og víða rigning, einkum suðaustantil. Úrkomulítið norðanlands. Hiti 10 til 18 stig.

Á miðvikudag:

Suðaustlæg átt og væta í öllum landshlutum. Hiti breytist lítið.

Á fimmtudag: Útlit fyrir vestlæga eða breytilega átt og lítilsháttar vætu. Kólnar heldur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.