Sjáðu markið hans Gylfa og öll hin úr enska boltanum í gærkvöldi

Gylfi Þór Sigurðsson var enn og aftur hetja Swansea þegar hann tryggði liðinu dýrmæt þrjú stig með sigurmarki gegn Southampton á heimavelli í gærkvöldi en hann lagði upp fyrra mark liðsins.

Swansea er nú komið úr fallsæti eftir tvo sigra í röð en Gylfi Þór var einnig hetja Swansea í síðustu umferð þegar liðið vann á Anfield.

Liverpool og Chelsea skildu jöfn í stórleik umferðarinnar á Anfield en Arsenal tapaði dýrmætum stigum á heimavelli þegar liðið tapaði á móti Watford. Gestirnir komust 2-0 yfir snemma leiks og þrátt fyrir orrahríð að marki gestanna náði Arsenal engu úr leiknum.

Burnley er að gera frábæra hluti en liðið vann Englandsmeistara Leicester, 1-0, með marki Sam Vokes. Jóhann Berg og félagar eru í níunda sæti eftir 23 umferði en meistarar Leicester eru tveimur stigum frá falli.

Hér að neðan má sjá öll mörk gærkvöldsins.

Liverpool 1 - 1 Chelsea Bournemouth 0 - 2 Crystal Palace Burnley 1 - 0 Leicester Arsenal 1 - 2 Watford Sunderland 0 - 0 Tottenham Middlesbrough 1 - 1 West Ham Swansea 2 - 1 Southampton