Megson tekinn við Bolton

Gary Megson var nú í hádeginu ráðinn sem knattspyrnustjóri enska úrvalsdeildarfélagsins Bolton. Hann hefur skrifað undir tveggja og hálfs árs samning við félagið og tekur við af Sammy Lee sem var rekinn á dögunum.

Eins og fram kom í frétt hér á Vísi í morgun á ráðningin eflaust eftir að valda fjaðrafoki meðal stuðningsmanna liðsins, en þeir sýndu litla hrifningu á mögulegri ráðningu hans í skoðanakönnun sem gerð var í gærkvöld.

Megson mun horfa á liðið sitt spila í fyrsta sinn í kvöld þegar liðið tekur á móti Braga í Evrópukeppni félagsliða.