1,7% stuðningsmanna Bolton vildu Megson

Nú þykir líklegt að Gary Megson verði ráðinn sem næsti stjóri Bolton í ensku úrvalsdeildinni eftir að hann fékk sig skyndilega lausan frá Leicester til að fá að ræða við úrvalsdeildarfélagið. Stuðningsmenn Bolton eru lítt hrifnir af þessu.

Staðarblaðið gerði í gær könnun á viðhorfi stuðningsmanna liðsins til mögulegrar ráðningar Megson og niðurstaðan var ekki glæsileg.

Þannig vildu aðeins 12 manns af þeim 699 sem svöruðu könnun blaðsins fá Megson til starfa - tæp 2% aðspurðra. Helmingur þeirra sem spurðir voru kærðu sig um þrjá stjóra sem nefndir voru sem hugsanlegir eftirmenn Sammy Lee - en hinn helmingurinn vildi "einhvern annan"

Megson hefur ekki beinlínis lagt heiminn að fótum sér þar sem hann hefur starfað sem knattspyrnustjóri og hafa oftar en einu sinni vaknað alvarlegar spurningar um hollustu hans í starfi.

Megson var aðeins búinn að vera í fjóra mánuði hjá Leicester eftir að Milan Mandaric réð hann til starfa, en þar áður hafði hann verið í eins og hálfs árs pásu eftir að hafa hætt hjá Nottingham Forest.

Phil Gartside, stjórnarformaður Bolton, er ekki talinn hafa gert góða hluti þegar hann fékk Sammy Lee að taka við liði sínu af nafna sínum Allardyce á sínum tíma og sérstaklega er hann sagður hafa farið með það þegar hann fullyrti að Lee ætti eftir að koma liðinu lengra en Stóri-Sam.