Toure fer líklega til Ítalíu eða Tyrklands

Miðvörðurinn Kolo Toure er líklega á förum frá Man. City en þessi 31 árs gamli leikmaður er kominn í aukahlutverk hjá City og er til sölu á 3 milljónir punda.

Ítalska félagið Lazio er á meðal þeirra félaga sem hafa mikinn áhuga á leikmanninum og er talið að tilboð sé á leiðinni. Tyrkneska félagið Bursaspor hefur einnig áhuga.

Samstarf Toure og stjórans, Roberto Mancini, er þess utan sagt vera slæmt. Toure á eitt ár eftir af samningi sínum við félagið og ef City ætlar að fá einhvern pening fyrir hann verður félagið að selja núna.

Bróðir Kolo, Yaya, mun þó áfram spila með félaginu.